ခင်ခင်ထူး - မအိမ်ကံ

ဒီနှစ်တွေထဲမှာ အညာအကြောင်း ကျေးလက်အကြောင်း လယ်တွေယာတွေအကြောင်းရေးတဲ့စာတွေကို တမက်စက်စက် ရှာဖတ်ဖြစ်ပါတယ်။
ဆရာကြီးဆင်ဖြူကျွန်းအောင်သိန်းရဲ့ နေမင်းတစ်ထောင်စာအုပ်ရှစ်အုပ်တွဲ၊ ကိုဆေးရိုးဝတ္ထုတိုပေါင်းချုပ်၊ ငထွန်းကားတို့ညီအစ်ကို စတဲ့စာအုပ်တွေ
ကိုနှစ်သက်လွန်းလို့ မရှိတဲ့ကြားက ၀ယ်ဖြစ်ခဲ့ပါတယ်။
မြန်မာစကားပြောတတ်တာကလွဲပြီး မြန်မာ့ယဉ်ကျေးမှုနည်းပါးလွန်းပြီး မြန်မာ့ဓလေ့ကို လေးစားရမှန်းမသိတဲ့ ပုဆိုး ထမီ မ၀တ်တတ်တာဂုဏ်ယူနေကြတဲ့
လူတွေကြားနေရတာ သူတို့ပြောစကားတွေ ကြိတ်မှိတ်နားထောင်ရတာ ကြာလို့လားမသိပါဘူး၊ မြန်မာပီပီသသ စိတ်ရင်းဖြူဖြူစင်စင်
ရိုးရာဓလေ့အပြည့်အ၀ရှိသေးတဲ့ အညာကျေးလက်ကအကြောင်းတွေပဲ ကြားချင်နေမိပါတော့တယ်။
ဆရာမခင်ခင်ထူးရဲ့ စာအုပ်တစ်အုပ်စနှစ်အုပ်စဖတ်မိတော့ သူ့ရဲ့စာတွေမှာ အညာလေပါတာကိုသတိထားမိပေမယ့် အညာအကြောင်းရေးတဲ့ အညာသူစာရေးဆရာမတစ်ဦး
ဆိုတဲ့အသိထက်ပိုမရှိခဲ့မိပါဘူး။ ဒါပေမယ့် ဒီစာအုပ်ကိုဖတ်မိတော့ ရေးသားတဲ့အကြောင်းအရာ ဖြစ်ပျက်တဲ့နောက်ခံဒေသ ပါဝင်တဲ့လူတွေရဲ့စရိုက်
ဒါတွေအားလုံးကို အညာလေ အညာစကားပုံတွေနဲ့ သရုပ်ပေါ်အောင်ရေးသားထားတဲ့ ဆရာမရဲ့အရေးအသားကို တော်တော်နှစ်သက်မိပါတယ်။
မြန်မာဆန်တဲ့ မြန်မာပီပီသသ စကားပြောတဲ့လေဆိုတာ အညာကျေးလက်ကလူတွေပြောသလိုပဲနေမှာလို့လည်း တွေးမိပါတယ်။ (ကျွန်တော်ရဲ့အတွေးသက်သက်ပါ)
စာရေးဆရာများအနေနဲ့ စာရေးကြတာ ဆန်းတယ်မဆိုနိုင်ပါဘူး၊ ဒါပေမယ့် အညာသူ အညာသား
ယာသမား ကိုင်းသမား အသိုင်းအ၀ိုင်းထဲကလာတဲ့သူမဟုတ်ရင်တော့ ဒီလိုအညာလေလွှမ်းချုံနေတဲ့ ကျေးလက်ဘ၀နောက်ခံစာအုပ်မျိုးကို ရေးနိုင်မယ်လို့မထင်ပါဘူး။
တပင်တပန်း အားထုတ်ထားတဲ့ အသေးစိတ် အချက်အလက်အကြောင်းအရာတွေဟာလည်း စာရေးသူရဲ့စေတနာကိုပေါ်လွင်နေစေပါတယ်။
အညာရေသောက် အညာမြေမှာကြီး၊ ထနောင်းရိပ်ခိုရင်း တမာရိုးနဲ့သွားဖြူခဲ့တဲ့သူများအတွက် အညာအလွမ်းပြေအဖြစ် အညာလေတွေ အားပါးတရဖတ်ရှုရတဲ့စာအုပ်ပါပဲ....

စာအုပ်ဖတ်ရန်